Општинскиот Штаб за Заштита и Спасување – ОШЗС во соработка со Црвен Крст и припадниците на Армијата, поделија над 4000 пакети со помош за социјално најзагрозените семејства во Куманово.

Црвен крст на Република С. Македонија – општинска организација Куманово од 11.05.2020 повторно ја става на располагање телефонската линија за прва психолошка поддршка за сите граѓани од општините Куманово, Липково и Старо Нагоричане. На телефонскиот број 076/787-412 секој работен ден од 10 до 14 часот, лицата кои ќе се обратат ќе можат да добијат психо-социјална поддршка за полесно справување со стресот предизвикан од актуелната состојба со епидемијата со КОВИД-19.

По повод светскиот ден на Црвениот крст, а во рамките на неделата на Црвен крст и Црвена полумесечина волонтерите од општинската организација на Црвен крст Куманово во соработка со ОШЗС и оваа недела организираа дистрибуција на прехрамбено – хигиенски пакети наменети за социјално загрозени семејства од приградските населби и селата од Козјачкиот регион – општина С. Нагоричане.