Вонредна летна крводарителска акција во Куманово

Денес, 18.08.2026, во просториите на НУЦК „Трајко Прокопиев“ – Дом на културата во Куманово, од 10:00 до 15:00 часот, се одржа вонредна летна крводарителска акција.

Акцијата беше организирана во соработка со Црвениот крст на Општинската организација Куманово и Институтот за трансфузиона медицина – Скопје, со цел да се обезбедат доволни резерви на крв во периодот кога потребите се зголемени.

На повикот за хуманост и солидарност се одзваа 41 граѓани кои со своето доброволно дарување крв дадоа свој придонес во обезбедувањето на неопходните крвни единици и помошта на оние на кои им е најпотребна.

Голема благодарност до сите крводарители кои денес ја покажаа својата хуманост, солидарност и општествена одговорност. Вашиот благороден чин може да спаси човечки живот.