ВОНРЕДНА КРВОДАРИТЕЛСКА АКЦИЈА

Денешниот ден беше одбележан со хуманост на дело! Поради забележаното намалување на резервите на крвни единици и зголемената потреба од брзо пополнување на залихите за сите крвни групи, денеска во просториите на НУЦК „Трајко Прокопиев“- Дом на култура во Куманово успешно се одржа вонредна крводарителска акција.

Настанот беше организиран во заедничка соработка помеѓу Црвен крст – Општинска организација Куманово , Институтот за трансфузиона медицина како и членовите на Риболовното здружение Мак Дам.. На оваа благородна и исклучително важна иницијатива хуманоста ја покажаа и подадоа рака вкупно 33 лица кои несебично ја даруваа својата драгоцена течност за спасување човечки животи.

Голема благодарност до сите хумани граѓани кои зедоа учество и уште еднаш потврдија дека со заедница и солидарност сите предизвици се премостуваат!