Традиционалната трка „Born 2 Run – Спортот не поврзува“

Црвен крст Куманово дел од традиционалната трка „Born 2 Run – Спортот нѐ поврзува“!

​ Со неверојатна енергија, насмевки и многу позитивна атмосфера, Општинската организација на Црвениот крст Куманово зеде активно учество во осмото издание на традиционалната манифестација „Born 2 Run – Спортот нѐ поврзува“ на градскиот плоштад „Нова Југославија“!

​На настанот организиран од Центарот за интеркултурен дијалог (ЦИД) во соработка со Општина Куманово , нашиот тим беше тука да ја даде целосната поддршка на оваа прекрасна иницијатива која преку спортот ги обединува луѓето, промовира здрави животни навики , солидарност , соживот и меѓусебна доверба .

​ Нашите волонтери и стручни тимови беа на располагање за сите присутни, промовирајќи ја хуманоста , волонтеризмот и важни здравствени и превентивни пораки .

​Дружба, енергија и заедништво: Заедно со младите од Младинскиот центар „MultiКулти“ , Територијалната противпожарна единица – Куманово и стотиците учесници на трките од 3 и 10 километри , создадовме вистински празник на спортот и хуманоста!

​Спортот навистина нѐ поврзува, а Црвениот крст секогаш останува со срце посветен на поддршката на настани кои градат силни, здрави и хумани заедници!