Собирна хуманитарна акција по повод Денот на гладта

По повод кампањата Денот на гладта, под мотото „Помислете и на нас“, кој се одбележува на 16 октомври, Општинската организација на Црвен крст Куманово организира собирна хуманитарна акција за прибирање на прехрамбени артикли и парични средства.

Акцијата се одржува во периодот од 16 до 22 Октомври, каде граѓаните, фирмите и институциите можат да донираат прехрамбени артикли и парични средства во организацијата на Црвен крст Куманово.

Парични средства може да се донираат преку мобилните телефони на бројот: 070/075/077/143-400 во висина од 100 денари или на жиро сметка на Фондот за солидарност на Црвен крст на РСМ: 30000001327966, Даночен број: 4030984271620, АД Комерцијална банка Скопје.

Средствата донирани во хуманитарната акција се наменети за обезбедување на храна за помош на лица од социјален ризик.