Собирна акција во ООУ ,,Кочо Рацин”

На ден 07.03.2025 (петок) младите волонтери кои се дел од ЦКА-ПХВ програмат, организираа собирна акција во ООУ ,,Кочо Рацин”. Собраните средства ќе бидат искористени за купување на цвеќе со кое ќе им се честита 8 март – Денот на жената на корисниците во Дом за стари лица ,,Зафир Сајто”. Оваа активност е во склоп на проектот ,,Мост на генерации” кој има за цел меѓугенерациска дружба помеѓу младите волонтери на Црвен крст Куманово и старите лица од домот ,,Зафир Сајто”. Младите волонтери во наредниве два месеци ќе го посетуваат домот и ќе организираат дружби и работилници со старите лица, а воедно ќе им обезбедат потребни материјални ресурси на старите лица на индивидуално/групно ниво.