Превентивна активност на Граничен премин „Табановце“

На 01.07.2026 година, Црвен крст на Република Северна Македонија – Општинска организација Куманово, учествуваше во летната кампања „Безбедно лето – Вози одморен“ на Граничниот премин „Табановце“.

Настанот беше организиран од страна на Републичкиот совет за безбедност на сообраќајот на патиштата, на кој присуствуваа Министерот за внатрешни работи на Република Северна Македонија Панче Тошковски и Министерот за надворешни работи на Република Србија Ивица Дачиќ.

Во рамките на активноста, тимот на ООЦК Куманово на учесниците во сообраќајот им подели информативни материјали за превенција од високите температури, значењето на редовни паузи при возење и внесување доволно течности при патување.

Преку оваа превентивна акција беше упатена порака за одговорно учество во сообраќајот и важноста на заедничката соработка во насока на поголема безбедност на сите учесници во сообраќајот.