![](https://crvenkrst-kumanovo.org.mk/wp-content/uploads/2023/09/380047545_715151697312034_553328697188114929_n-1000x560.jpg)
септември 26, 2023
Одбележување на ПХВ недела
На ден 25.09.2023 година во просториите на Занаетчиски Дом Куманово, Црвен крст на Република Северна Македонија – Општинска организација Куманово организираше настан со цел да ја одбележи ПХВ неделата која традиционално се одбележува секоја година од 21ви до 27ми септември, а која има за цел промоција на мир, толеранција, соживот и ненaсилство. Оваа година Црвен крст Куманово организираше трибина на која се зборуваше за булингот, за насилството во училиштето, видливо и скриено, како и се стави акцент на постоење на истото и начините на кои може да се превенира, стопира и изолира.
На трибината се вклучија ученици, родители и наставници, а истата ја водеше психологот Дивна Јанкова која одржа кратка презентација на оваа тема, а потоа одржа и дискусија на која се вклучија и неколку ученици да поделат свое искуство и мислење. На трибината со своја проза напишана на оваа тема излезе нашиот долгогодишен волонтер Ален Милковски чии зборови никого не оставија рамнодушен.
Воедно, овој настан покрај за подигнување на свеста за булингот и насилството во училиштата, се искористи и за доделување на благодарниците на младинците кои учествуваа на годинешниот ЦКА-ПХВ циклус, а сите присутни ја имаа можноста да ги погледнат и кратките филмови од изработените проекти.
![](https://scontent.fskp4-1.fna.fbcdn.net/v/t39.30808-6/382041578_715151247312079_2160267279360847705_n.jpg?stp=cp6_dst-jpg_p720x720&_nc_cat=107&ccb=1-7&_nc_sid=5614bc&_nc_ohc=OX4PbaHY1BcAX8Vg2U4&_nc_ht=scontent.fskp4-1.fna&oh=00_AfCza64iESaCMusf4kFZlBiH61pGyYPdtAcma5CxVkBxSw&oe=6516B9C7)
![](https://scontent.fskp4-2.fna.fbcdn.net/v/t39.30808-6/380106902_715151290645408_8311424111104705786_n.jpg?stp=cp6_dst-jpg_p720x720&_nc_cat=109&ccb=1-7&_nc_sid=5614bc&_nc_ohc=MgJP2m2Mm7YAX8m0g6e&_nc_ht=scontent.fskp4-2.fna&oh=00_AfCiCRhuZF3By1OublB8c2v3og6n1BFKPBb3nEeW7DYjZw&oe=6516FFA1)
![](https://scontent.fskp4-1.fna.fbcdn.net/v/t39.30808-6/380047545_715151697312034_553328697188114929_n.jpg?stp=cp6_dst-jpg_p720x720&_nc_cat=107&ccb=1-7&_nc_sid=5614bc&_nc_ohc=-KGCgCBK_yAAX8UE7MK&_nc_ht=scontent.fskp4-1.fna&oh=00_AfBTNsuKl4vx68037bZQLX3x9AjeD9NxVewID62EWJmCPA&oe=6516EBD6)
![](https://scontent.fskp4-1.fna.fbcdn.net/v/t39.30808-6/380065295_715152447311959_1032467584620192208_n.jpg?stp=cp6_dst-jpg_p720x720&_nc_cat=103&ccb=1-7&_nc_sid=5614bc&_nc_ohc=ZPQTmO4E8lMAX-ULdoD&_nc_ht=scontent.fskp4-1.fna&oh=00_AfCQA3mXDdw43nWM5yguF8k1GKwFziF-0hYCNMGqZHAR3g&oe=6516BE6A)
![](https://scontent.fskp4-1.fna.fbcdn.net/v/t39.30808-6/380065989_715152487311955_9089339249239255726_n.jpg?stp=cp6_dst-jpg_p720x720&_nc_cat=103&ccb=1-7&_nc_sid=5614bc&_nc_ohc=sKT2Z4LVDRIAX_VUaLx&_nc_ht=scontent.fskp4-1.fna&oh=00_AfA5fHm7I3cWeDe92L4un2R3SjxkcRN89PZhktO1UQB9nA&oe=651850A5)