Одбележување на Неделата на борба против туберкулоза

Во периодот од 14 до 21 септември 2026 година, Црвен крст на Република Северна Македонија – Општинска организација Куманово ја одбележа Неделата на борба против туберкулоза под мотото „Да! Можеме да ставиме крај на ТБ“.

Во рамки на одбележувањето беа реализирани 5 едукативни предавања, на кои учествуваа вкупно 176 младинци, наставници, соработници и волонтери од Клубот на млади.

Волонтерите изработија хамер со приказ на белите дробови, како симбол на здравјето и важноста од навремено препознавање и спречување на болеста. Изработени беа и флаери со информации за симптомите на туберкулоза, кои беа поделени од страна на училишниот клуб при ОСТУ „Наце Буѓони“, со учество на учениците од здравствената струка.

Со овие активности се истакна значењето на информираноста, превенцијата и навременото лекување на туберкулозата. Едукацијата и подигнувањето на свеста остануваат важен дел од борбата против оваа болест.