35-ти Општински натпревар по прва помош на ООЦК Куманово

На 28 април 2026 година, во градскиот парк во Куманово, Општинската

организација на Црвен крст Куманово го одржа 35-от Општински натпревар на

екипите по прва помош за ученици од основни и средни училишта во градот

На настанот присустуваа: професори, наставници-ментори и ученици од

основните и средните училишта, лекари и демонстратори по прва помош,

вработени, членови, волонтери, соработници и поддржувачи на Црвениот крст.

На натпреварот, стекнатите знаења и техники за укажување на прва

помош од претходно одржани обуки ги покажаа екипи составени од ученици од 6

основни и 3 средни училишта на територијата на општина Куманово.

Првите три места од основните училишта ги освоија екипите од

училиштата: ООУ „Христијан Карпош“ – прво место, ООУ ,,Браќа Миладиновци“ –

второ место, ООУ „Вук Караџиќ“ – трето место.

Во категорија средни училишта СОУ Гимназија,,Гоце Делчев” го освои првото

место, ДСУ-РЦСОО,,Киро Бурназ” – го освои второто место, и ОСТУ ,,Наце

Буѓони‘‘ го освои третото место.

Во дел на дисеминација трите места ги освоија учениците од:

ООУ ,,Христијан Карпош” – прво место, ООУ ,,Бајрам Шабани” – второ место, СОУ

Гимназија ,, Гоце Делчев” – трето место.

Работните места од забавен карактер се одвиваа преку играта „Погоди ја

првата помош“ која е забавна и едукативна тимска игра во која учесниците

преку глума ги претставуваат различни ситуации од прва помош. Целта на

играта е да се поттикне тимската работа, комуникацијата и брзото

размислување, како и да се зајакне знаењето за прва помош на забавен и

интерактивен начин.

Честитки до сите учесници и голема благодарност до сите средни и

основни училишта за нивното учество.