Работилница со Логопедски едукативен центар – Логолино

На ден 05.03.2025 година (среда) волонтерите од Клубот на млади при Црвен крст Куманово се дружеа со нашите нови пријатели од Логопедски едукативен центар – Логолино. На работилницата преку приказна за чичко Анри, најмалите ги запознавме како настанал Црвен крст и кому тој помага. Воедно боевме и пеевме песнички, а зборувавме и учевме како да помогнеме на некое наше другарче доколу се повреди. Како за крај нашите волонтери Јана, Ива и Антонио на најмалите им поделија сликовници за приказната за една идеја и со топли прегратки ги испратија со истакната желба за повторна средба.

Ни претставуваше големо задоволство што имавме можност да другаруваме со најмалите од Логолино.