Пошумување на териоториja на Општина Старо Нагоричане

На 6 декември 2024 година (петок), Црвен крст на Република Северна Македонија – Општинска организација Куманово учествуваше во пошумувањето на териториите на Општина Старо Нагоричане.

Некогаш е доволно едно камче за да ја разбранува целата локва. Некогаш е доволно ти да почнеш со промените, за и другите да почнат да ги следат. Овој лајтмотив го одбележа денешното пошумување во близина на Кокино, каде нашите волонтери ги здружија силите со „Генералка викенд“, други организации и јавни претпријатија, заедно засадувајќи стотици садници зимзелени дрва.

Пред интернационалните медиуми кои го снимаа денешниот настан, нашата волонтерка Ива Додевска истапи со изјава што го претстави Црвениот крст како зелена организација. Нејзината изјава нека биде будилник што ќе покаже дека е време за промени! Нека нашата еколошка свест расте заедно со засадените фиданки, кои еден ден ќе прераснат во бујни и големи дрвја, носејќи плодови од вложениот труд.

Засади дрво, засади ја својата иднина! Малите чекори денес создаваат големи промени утре.