Одбележување на Неделата на борба против срцевосадови заболувања

Црвен крст на Република Северна Македонија – Општинска организација Куманово ја одбележа Неделата на борба против срцево-садови заболувања (21–28 февруари 2026) под мотото „Здрав живот, здраво срце“.

Во рамки на неделата беа одржани две едукативни предавања за лица на возраст од 35 до 55 години, при што беше извршено и мерење на крвен притисок за вкупно 50 учесници.

Волонтерите од Клубот на млади реализираа теренска едукативна активност со посета на вработените во Општина Куманово, Основниот суд во Куманово и случајни минувачи, при што беа поделени флаери со совети за превенција и здрави животни навики.

На градскиот плоштад беше поставен штанд каде граѓаните бесплатно го мереа крвниот притисок и добиваа совети за зачувување на здравјето.

Активностите имаа за цел подигнување на свеста за кардиоваскуларните заболувања и промоција на здрави животни навики како основа за нивна превенција.