Одбележување на 11-ти Октомври
На 11 октомври, по повод Денот на востанието на Македонија, се одржаа три значајни настана во Куманово. Првиот беше организиран од „Аеро Клуб“-Куманово на Спортскиот Аеродром Аџитепе, каде што се одржа натпревар во прецизно слетување со едрилица. Овој настан привлече многу учесници и публика, создавајќи возбудлива атмосфера и натпреварувачки дух. Екипата по прва помош на Црвен крст на Република Северна Македонија – Општинска организација Куманово беше присутна со цел да обезбеди безбедност и здравствена заштита за сите учесници и посетители. Присуството на екипата беше од особена важност, бидејќи натпреварот вклучуваше летачки активности, кои носат специфични ризици.
Вториот настан се одржа во селото Младо Нагоричане, организиран од „Offroad Kumanovo“ и „Offroad Garage“, каде учесниците демонстрираа вештини во возење во offroad услови. Сепак, со оглед на природата на овој тип настан, несреќите и повредите не се невообичаени. И тука, екипата по прва помош од Црвениот крст Куманово беше присутна за да обезбеди брза и ефективна помош на учесниците.
Трет настан се одржа кај Спортската сала,организирано од велосипедскиот клуб ,,Вело М“ обучениот тим по прва помош зема учество и го обезбедуваше настанот – традиционална Меѓународна велосипедска трка „Трофеј 11-ти Октомври“.
За време на натпреварите екипата реагираше на неколку инциденти. Повредите варираа од помали, како изгребаници и модрици, до посериозни повреди, вклучувајќи повреди на клучна коска.Екипата не само што обезбеди прва помош, туку и создаде чувство на безбедност и доверба меѓу учесниците и организаторите. Сите повредени лица добија соодветна нега и транспорт до ЈЗУ Општа болница – Куманово.
