Oдбележана неделата на борба против гладта

Црвен крст на Република Северна Македонија – Општинска организација Куманово по повод Недела на борба против гладта која траеше од 16-22 октомври 2023 година, под мотото ,,ПОМИСЛЕТЕ И НА НАС,, спроведe кампања за помош на најранливите категории на граѓани.

Активностите беа насочени кон доброволни прилози наменети за набавка на прехранбени производи за подготовка на хуманитарни пакети за овие граѓани. Во Трговски центар Сума Куманово и маркет “Тинекс” беа поставени штандови за собирање на прехранбени производи, како и кутии за парични средства. 

Од собраната храна како и од собраните парични средства беа направени 60 прехранбени пакети за најзагрозените семејства од Куманово, Липково и Старо Нагоричане кои во текот на неделата беа дистрибуирани до корисници.