Крводарителска акција по повод 11-ти Октомври

На ден 11.10.2022 година, Црвен крст на Република Северна Македонија- општинска организација Куманово во соработка со Службата за Трансфузиона Медицина организираше крводарителска акција по повод 11-ти Октомври- Ден на народното востание.

            Акцијата се одржа во големата сала во Центар за Култура „Трајко Прокопиев“ од 09:00-14:00 часот. Истата беше успешно реализирана и граѓаните на град Куманово уште еднаш ја покажаа својата хуманост на дело и притоа беа дарувани 56 крвни единици.