Улична трка по повод обележување денот на градот

Екипата по прва помош на Црвен крст на Република Северна Македонија – Општинска организација Куманово беше присутна на денешната трка што се одржа на градскиот плоштад во Куманово, организирана по повод обележувањето на Денот на ослободување на нашиот град 11-ти Ноември.

Целта на оваа активност беше да се обезбеди брза и ефикасна прва помош за сите учесници, како основци така и средношколци, кои учествуваа во трката.

Екипата по прва помош од Црвен крст Куманово беше целосно подготвена да реагира во случај на било какви итни здравствени потреби на учесниците, што го гарантираше нивното безбедно учество во настанот.