,,80 години – Ние гледаме луѓе”

На ден 12.03.2025 година во Занаетчиски дом – Куманово во организација на Општинската организација на Црвен крст Куманово под мотото ,,Ние гледаме луѓе” се одржа свечен настан по повод одбележување 80 години јубилеј од постоењето на Црвениот крст на Република Северна Македонија.

На настанот посебен акцент беше ставен на соработката со Општина Куманово, Липково и Старо Нагоричане која што Црвен крст Куманово ја негува и одржува сите овие години. Како знак за долгогодишна соработка беа доделени јубилејни признанија на претставниците на овие општини.

Оваа убава вечер беше проследена со музички точки од страна на Основното музичко училиште ,, Панче Пешев” и со танцова точка од ,, Dance studio Ultra”.

Голема благодарност до сите наши партнери, поддржувачи, донатори, членови и волонтери кои беа присутни на настанот, вашата несебична поддршка е од големо значење за нашата работа, вашата хуманост е нашата сила веќе 80 години, Ви благодариме!