СТРУКТУРА И ОРГАНИЗАЦИОНА ПОСТАВЕНОСТ – Општинска организација Куманово

На ниво на организациона поставеност, во рамки на Црвениот крст на Република Северна Македонија функционираат 34 општински организации и Црвениот крст на град Скопје, меѓу кои е и Општинската организација Куманово.

Во својата структурна поставеност, Општинската организација на Црвениот крст Куманово работи во согласност со принципите и статутот на Црвениот крст на РСМ.

Организацијата има Собрание како највисок орган на управување на локално ниво, Раководен одбор како извршен орган, Претседател, Потпретседател, Финансиска комисија, Млади на Црвениот крст и комисии како советодавни работни тела, како и секретар со Стручна служба.

Во својата структурна поставеност, Општинската организација на Црвениот крст Куманово работи во согласност со принципите и статутот на Црвениот крст на РСМ.

Организацијата ги реализира своите активности преку општинско Собрание како највисок орган на управување на локално ниво, Општински одбор како извршен орган, Претседател на организацијата, како и работни тела и комисии кои имаат советодавна и оперативна улога.

Во рамки на организацијата активно функционираат и Младите на Црвениот крст, како значаен сегмент во реализација на хуманитарните и едукативните активности. Работата ја координира стручен соработник и волонтерска мрежа. Црвениот крст на Република Северна Македонија, преку својата мрежа на општински организации, има долга и успешна традиција на хуманитарно делување во служба на човекот.

Националното друштво претставува современа, ефикасна и автономна хуманитарна организација, рамноправен член на Меѓународната федерација на друштвата на Црвениот крст и Црвената полумесечина. Општинската организација Куманово преку своите активности ја докажува улогата на организација која е кадровски и организациски оспособена за брза и ефикасна реакција во услови на кризи, како и за континуирана работа во областа на социјалната хуманитарна помош, здравствено-превентивните програми и развојот на волонтерството.

Во рамки на своето делување се реализираат бројни активности од областа на социјалната хуманитарна програма, прва помош, здравствено-едукативни кампањи, превенција на заболувања, грижа за стари лица, социјално загрозени семејства, како и активности поврзани со крводарителство, кое се унапредува врз принципите на доброволност, анонимност и бесплатност. Посебно значење имаат активностите за подготвеност и дејствување при катастрофи, како и едукацијата на населението и младите.

Во наредниот период, Општинската организација Куманово е насочена кон зајакнување на сопствените капацитети, зголемување на бројот на волонтери и подобрување на соработката со локалната самоуправа, институциите и заедницата. Ова подразбира поголема самостојност во реализација на програмите, како и активна мобилизација на локалните ресурси и поддршка од домашни и меѓународни партнери.

Програмата за работа на Општинската организација Куманово е усогласена со стратегиските документи на Црвениот крст на Република Северна Македонија и Меѓународната федерација на Црвениот крст и Црвената полумесечина, со цел унапредување на хуманитарната дејност, зајакнување на подготвеноста за кризни ситуации и развој на волонтерската мрежа во заедницата.

< врати се назад